عم شكشك دوت كوم™

بقينا الفترة الأخيرة بنسمع كلام كتير عن التحرر و الحرية و خصوصا الجنسية , و طبعا المنظمات النسوية طلعت علينا بالكلام عن جسد المرأة و التجارة بيه و التحكم فيه و البلا بلا بلا بلا بلا بلا بلا بلا ...  دلوقتي بقا من وجهة نظر بسيطة و صغنونة قد الفتفوتة , أغلب الناس شايفين الجنس الأولوية الأولي و التانية و التالتة في حياتهم بالرغم من وجود مشاكل و مصاعب أكتر و أكبر أهمية في الحياة زي الشغل و الإستقلال و الحياة و الفكر و الرأي و كمان بالرغم من مستواهم الإقتصادي اللي بيصنف تحت أو موازي أو فوق خط الفقر بشوية و طبعا لا أستثني الطبقات المرفهة بمعني إن الراجل أو الست يرجعوا من الشغل يفكروا حيعملوا إيه بليل في السرير مش مثلا يفكروا في يومهم حيمشي إزاي أو حيبدعوا في إيه أو حيعملوا إيه مع أولادهم , لأ دا كل واحد منهم يجي مهدود و يريح عشان سهرة بليل الحمرا ف يخش الراجل علي ماكينة صناعة السعادة الخاصة بيه و يطلع فيها طاقاته المكبوتة و كذلك الست و دا بيبقي من زعيق مدير أو زميلة رجلها باينة من الجيبة أو واحد عميل في الشغل زي القمر و هكذا ....  و لو الماكينة متعطلة أو مزرجنة يا سلام ...

عن أي تمرد يتحدثون , عن أي تمرد يجوبوا الشوارع و يقوموا بجمع توقيعات بحجة واهية و هي الإعتراض علي من يطلقون عليه لقب " رئيس " ؛ عن أي جمعية عمومية للشعب يتحدثون و هي نفس الطريقة التي رفضوا مقاطعة الإنتخابات تجنبا لها , عن أي مقاومة للسلطة و النظام القمعي الموجود حاليا ؛ هل المقاومة هي جمع التوقيعات ؟! هل المقاومة هي إستبدال ديكتاتور بديكتاتور أخر , هل التمرد هو التحالف مع الأعداء الأصليين للثورة و هم الفلول و بقايا النظام السابق و النفعيين و الإصلاحيين لجمع توقيعات لإسقاط النظام , هل سيعودوا بالزمن للممارسات السياسية قبل الثامن و العشرين من يناير لعام الإنتفاضة التي لم تكتمل ؟! , هل سيظل البحث عن رئيس هو هدفهم فننتقل من ديكتاتورية عسكرية لنظيرتها الدينية لنظيرتها الليبرالية لنظيرتها الإشتراكية ؟! قبل أن أذكر أسبابي لرفض الحملة التي يطلقون عليها الاسم " تمرد " أو فكرة التمرد الورقي يجب أن نعرف ماذا يعني " التمرد " مفهوما و تعريفا . إن التمرد في المعاجم اللغوية له معاني عدة , و أهمها : تمرد  -   تَمَرُّدٌ  :   [ م ر د ]. ( مصدر  تَمَرَّ...

بصوا لأول مرة مش حلتزم بنسق الكتابة باللغة العربية الفصحى لأنى تعبت نفسيا من الكتابة بيها و بحس إنى مش بتكلم من جوايا , مبدأيا كدا فى إعتراف اللى هو إنى فشلت لمدة 4 أيام إنى أكتب مقال أو تدوينة عن ال 4 المعتقلين فى الغربانيات من يوم 20 يناير لحد دلوقتى ؛ على فكرة الفشل دا كان نتيجة إنى كل م أكتب المقدمة و أجى أتكلم على واحد واحد بلاقى صور الأربعة قدامى ف مش بعرف أكتم دموعى لإحساسى بالعجز إنى أعمل حاجة بجد مؤمن إنها تطلعهم . حبدأ بقا كمودى أتكلم هنا عن 4 من الشباب اللى أى حد يتشرف إنه بس قعد معاهم مرة .. سواء كأصدقاء أو كرفاق أو كأناركيين بيسمع منهم الفكرة . ملحوظة / الترتيب على أساس معرفتى بالرفاق (( ترتيب زمنى )) مش على أساس تانى علشان محدش يصطاد فى الميه الوسخة . محمد حسين عز الدين عواد ... طالب فى كلية علوم , اتعرفت عليه على تويتر و قابلته أول مرة مع اللى بقى صديقنا (( مارك المظفر )) فى مسيرة كانت ضد المجلس السمكرى , و سيبنا المسيرة لما الناس بدأت تهرتل و تهتف (( الجيش المصرى بتاعنا .. المجلس مش تبعنا )) إتضايقنا علشان الإيحاء اللى فى الهتاف (( ضحكة...

فى وسط الظروف المنيلة التى تمر بها البلاد و الحراك الثورى بها ؛ يتلخص فى تلك  التدوينة ما فى ذهنى كل ما يفعله العديد من أفراد المجتمع من تناقضات باسم الدين , ففى إحدى ليالى الصيف الصافية قررت التسكع فى شوارع الإسكندرية (على غير عادتى فى هذا الوقت من العام )  و خروجا من الأزقة إلى الكورنيش وجدت مكانا مريحا أمام البحر مباشرة فى منطقة جليم لأجد عائلة مكونة من رجل ملتحى يظهر على جبينه مداومته على الصلاة (( زبيبة الصلاة )) و زوجته المنقبة التى لا يظهر إلا عيناها و فتى صغيرا يرتدى جلباب أبيض يبدو أنه جديدا ,  قررت أن أجلس بعيدا قليلا عنهم لمتابعتهم فهى أول مرة أجد عائلة " متدينة " -- ظاهريا -- ؛ لقد رأيت هذا الرجل ينتفض من مجلسه ليرد على هاتفه الذى كان صوته مسموعا من على مسافة بعيدة لأجده يتحدث بنبرة صوت حادة و عالية قائلا " متسيبش ابن الوسخة اللى اسمه هادى دا إلا لما تصفى دمه أو يديك اللى أنت عاوزه " فابتسمت و تلى الإبتسامة ضحكة مكتومة و تذكرت الوسم (( الهاشتاج )) الذى كنت أدون فيه على " تويتر " #مجتمع_متدين ؛ بعدها بوقت قليل تناولت ما أحضرت معى من طع...

الصورة منشورة تحت رخصة المشاع الإبداعى  الإسكندرية عروس البحر الأبيض المتوسط , ثانى اكبرمدن مصر بعد العاصمة (( القاهرة )) ..و العاصمة القديمة لها ؛   بدأ العمل على إنشاء الإسكندرية على يد   الإسكندر الأكبر  سنة 332 ق.م عن طريق ردم جزء من المياه يفصل بين جزيرة ممتدة أمام الساحل الرئيسي تدعى "فاروس" بها ميناء عتيق، وقرية صغيرة تدعى "راكتوس" أو "راقودة" يحيط بها قرى صغيرة أخرى تنتشر كذلك ما بين البحر وبحيرة مريوط؛   الإسكندرية التى كان تاريخها زاخر بالمحافل التاريخية سواء كانت معارك أو مزارات سياحية كقلعة قايتباى   و عامود السوار و العديد من المقابر الأثرية و المعابد و المساجد و الكنائس الأثرية التى أعطت للمدينة رونقا سياحيا و أيضا شواطئها التى جعلت المدينة مزارا للمصريينو الأشقاء العرب و السائحون من كل أنحاء العالم  ؛ و لكن فى الأونة الأخير و خصوصا من شهر أكتوبر فى العام المنقضى أصبحت الإسكندرية هى " مدينة القمامة " كما أطلق عليها الكثير من أهلها  و ذلك لإهمال المجلس المحلى و المحافظة لمشروع نظافة المدينة الذى كان مخطط له من س...

" قضت المحكمة العسكرية العليا، في جلستها المنعقدة اليوم الأحد، ببراءة مجند طبيب أحمد عادل محمد الموجي (27 سنة)، في قضية توقيع كشوف عذرية على الناشطات المعتقلات من ميدان التحرير، بعد احتجازهم في السجن الحربي على يد قوات الجيش في 9 مارس 2011. " الموجز 11-03-2012 . إحنا أسفين يا أطهر و أشرف بنات ممكن نقابلهم فى حياتنا , إحنا أسفين إن اللى عمل كدا معاكوا برئ وإحنا اللى بنترمى فى سجونهم , إحنا أسفين على فشل كبر لحد م وصل لعرضكوا , إحنا أسفين إن وسطنا كان الضعف و قلة الإيمان بالله و بالقضية سيطر على عدد كبير أوى ,  إحنا أسفين عشان دموعكوا نزلت بسبب تقاعس , إحنا أسفين لو وصلناكوا إنكوا تتهانوا و يتشهر بيكوا , إحنا أسفين على كل حاجة , جزمة كل بنت اتكشف على عذريتها و اتسلحلت فوق رقبة أرجل راجل نزل الشارع من يوم 25-01-2011 لحد دلوقتى . أسف إنى بدأت التدوينة بالخبر دا لأن موضوع التدوينة مبنى على أساس الخبر دا , و بعد الحكم فى قضية سميرة لأول مرة  و فوزها بأول قضيةو هى التشكيك فى عذريتها , توقعت إن ممكن يبقى فى قضاء عادل أو شامخ زى م بيقولوا فى مصر...