إنتخــــابـــــ الرئاســـة ــات × مســـــ حســـاب ــــألة

" قضت المحكمة العسكرية العليا، في جلستها المنعقدة اليوم الأحد، ببراءة مجند طبيب أحمد عادل محمد الموجي (27 سنة)،

في قضية توقيع كشوف عذرية على الناشطات المعتقلات من ميدان التحرير، بعد احتجازهم في السجن الحربي على يد قوات

الجيش في 9 مارس 2011. " الموجز 11-03-2012 .

إحنا أسفين يا أطهر و أشرف بنات ممكن نقابلهم فى حياتنا , إحنا أسفين إن اللى عمل كدا معاكوا برئ وإحنا اللى بنترمى فى سجونهم ,

إحنا أسفين على فشل كبر لحد م وصل لعرضكوا , إحنا أسفين إن وسطنا كان الضعف و قلة الإيمان بالله و بالقضية سيطر على عدد كبير أوى , 

إحنا أسفين عشان دموعكوا نزلت بسبب تقاعس , إحنا أسفين لو وصلناكوا إنكوا تتهانوا و يتشهر بيكوا , إحنا أسفين على كل حاجة , جزمة

كل بنت اتكشف على عذريتها و اتسلحلت فوق رقبة أرجل راجل نزل الشارع من يوم 25-01-2011 لحد دلوقتى .

أسف إنى بدأت التدوينة بالخبر دا لأن موضوع التدوينة مبنى على أساس الخبر دا , و بعد الحكم فى قضية سميرة لأول مرة 

و فوزها بأول قضيةو هى التشكيك فى عذريتها , توقعت إن ممكن يبقى فى قضاء عادل أو شامخ زى م بيقولوا فى

مصر (( معلش معقد شوية و دا بسبب قضية حادثتى )) , بس للأسف بعد الحكم ببراءة الجزار (( أحمد عادل محمد الموجى ))

اللى ميستاهلش أى اسم من الأسماء اللى فى عيلته حتى أحمد , اللى سمح لنفسه يعمل كدا فى بنت بلده من غير م يحكم عقله

, معلش طولت فى موضوع سميرة , بس معلش محروق شوية ؛ اقروا اللى جاى بقا ....

التدوينة المرة دى مسألة رياضيات , و حستنى حلولكوا هى اللى حتنجزنا :

المعطيات كلها دون إختفاء أى معطى :

1- تمثيلية محاكمة المخلوع و عصابته و اللى بتكلف البلد ملايين كل مرة لأنه بيحضر المحاكمات بطيارة ,دا غير السجن 

واللى فى السجن .

2- تمثيلية محاكمة الظباط اللى قتلوا إخواتنا أمام أقسام الشرطة غير كدا اللى قتلوا إخواتنا فى الشوارع .

3- عدم محاكمة قناص العيون , مع إن الفيديو أثبت إن محمود صبحى الشناوى هو اللى كان بيقنص ببندقيته عيون المتظاهرين .

4- عدم ضبط و إحضار كل من سحل و عرى و هتك عرض ناشطات فى الميادين , و أيضا قتلة مينا دانيال و أحداث ماسبيرو و 

أيضا أحداث مجلس الوزراء .

5- البرلمان الثورى (( و الله زى م بيقولوا )) و اللى بيحصل فيه و خصوصا عرو ض ستربتيز الإخوان والدعوة السلفية

(( بما لا يخالف شرع الله )) , و الكلام عن كل حاجة إلا حق الشهداء و سرعة المحاكمات , و أيضا عدم التعرض 

لإنتهاكات المجلس العسكرى .

6- الحكم ببراءة جزار الناشطات (( بنات مصر البكر )) << طبيب مجند / أحمد عادل محمد الموجي >> , و دا بعد إثبات أن كل

الناشطات اللاتى تم الكشف على عذريتهن بكر ( نقول طور يقولوا , , و ماله إحلبوه برضه ) .

7- المادة (( 28 )) من الإعلان الدستورى للعسكر و اللى بتنص على " تتولى لجنة قضائية عليا تسمى " لجنة الانتخابات الرئاسية "

الإشراف على انتخابات رئيس الجمهورية بدءاً من الإعلان عن فتح باب الترشيح وحتى إعلان نتيجة الانتخاب وتـُشكل اللجنة من رئيس

المحكمة الدستورية العليا رئيساً ،وعضوية كل من رئيس محكمة استئناف القاهرة ،وأقدم نواب رئيس المحكمة الدستورية العليا، وأقدم

نواب رئيس محكمة النقض وأقدم نواب رئيس مجلس الدولـة.

وتكون قرارات اللجنة نهائية ونافذة بذاتها، غير قابلة للطعن عليها بأي طريق وأمام أية جهة، كما لا يجو التعرض لقراراتها بوقف التنفيذ

أو الإلغاء، كما تفصل اللجنة في اختصاصها، ويحدد القانون الاختصاصات الأخرى للجنـة.

وتـُشكل لجنة الانتخابات الرئاسية اللجان التي تتولى الإشراف على الاقتراع والفرز على النحو المبين في المادة 39

ويُعرض مشروع القانون المنظم للانتخابات الرئاسية على المحكمة الدستورية العليا قبل إصداره لتقرير مدى مطابقته للدستـور.

وتـُصـدر المحكمة الدستورية العليا قرارها في هذا الشأن خلال خمسة عشر يوماً من تاريخ عرض الأمر عليها، فإذا قررت المحكمة

عدم دستورية نص أو أكثر وجب إعمال مقتضى قرارها عند إصدار القانون، وفى جميع الأحوال يكون قرار المحكمة ملزماً للكافة

ولجميع سلطات الدولة، ويُنشـر في الجريدة الرسمية خلال ثلاثة أيام من تاريخ صدوره " . 

8- و ادى نص المادة (( 39 )) : " يحدد القانون الشروط الواجب توافرها في أعضاء مجلسي الشعب والشورى، ويبين أحكام

الانتخاب والاستفتاء. وتتولى لجنة عليا ذات تشكيل قضائي كامل الإشراف على الانتخاب والاستفتاء، بدءاً من القيد بجداول الانتخاب

وحتى إعلان النتيجة، وذلك كله على النحو الذي ينظمه القانون ويجرى الاقتراع والفرز تحت إشراف أعضاء من هيئات قضائية

ترشحهم مجالسها العليا، ويصدر باختيارهم قرار من اللجنة العليا ".

.

الثوابت :

1- قبل أى حاجة اقروا كويس الجملة دى فوق فى نص المادة (( 28 )) " وتكون قرارات اللجنة نهائية ونافذة بذاتها، غير قابلة للطعن عليها بأي طريق وأمام أية جهة، كما لا يجوز التعرض لقراراتها بوقف التنفيذ أو الإلغاء، كما تفصل اللجنة في اختصاصها، ويحدد القانون الاختصاصات الأخرى للجنـة." -- يعنى حتلبسوا فى حيطة و مش حتقدروا تقولوا لأ ولا مش عايزين

2 – خدوا المادة دى كدا قريتها على موقع الدستورية العليا " مادة 5- يعين رئيس المحكمة بقرار من رئيس الجمهورية.ويعين عضو

المحكمة بقرار من رئيس الجمهورية بعد أخذ رأي المجلس الأعلى للهيئات القضائية وذلك من بين اثنين ترشح أحدهما الجمعية العامة

للمحكمة ويرشح الآخر رئيس المحكمة.ويجب أن يكون ثلثا عدد أعضاء المحكمة على الأقل من بين أعضاء الهيئات القضائية. ويحدد

قرار التعين وظيفة العضو وأقدميته بها.."

3- الرئيس الحالى = المجلس العسكرى

4 – القضاء المصرى = البراءة للجميع

5 – لما رئيس الدستورية العليا يتعين من رئيس الجمهورية , يبقى الباقى عامل ازاى .

الفيديو دا من أهم الثوابت يا شعب مصر الحر

الحـــــل

الحــــدق يفهـــــم

لا إنتخابات ولا دستور .. و إحنا فى حكم الديكتاتــور