عم شكشك دوت كوم™

" قضت المحكمة العسكرية العليا، في جلستها المنعقدة اليوم الأحد، ببراءة مجند طبيب أحمد عادل محمد الموجي (27 سنة)، في قضية توقيع كشوف عذرية على الناشطات المعتقلات من ميدان التحرير، بعد احتجازهم في السجن الحربي على يد قوات الجيش في 9 مارس 2011. " الموجز 11-03-2012 . إحنا أسفين يا أطهر و أشرف بنات ممكن نقابلهم فى حياتنا , إحنا أسفين إن اللى عمل كدا معاكوا برئ وإحنا اللى بنترمى فى سجونهم , إحنا أسفين على فشل كبر لحد م وصل لعرضكوا , إحنا أسفين إن وسطنا كان الضعف و قلة الإيمان بالله و بالقضية سيطر على عدد كبير أوى ,  إحنا أسفين عشان دموعكوا نزلت بسبب تقاعس , إحنا أسفين لو وصلناكوا إنكوا تتهانوا و يتشهر بيكوا , إحنا أسفين على كل حاجة , جزمة كل بنت اتكشف على عذريتها و اتسلحلت فوق رقبة أرجل راجل نزل الشارع من يوم 25-01-2011 لحد دلوقتى . أسف إنى بدأت التدوينة بالخبر دا لأن موضوع التدوينة مبنى على أساس الخبر دا , و بعد الحكم فى قضية سميرة لأول مرة  و فوزها بأول قضيةو هى التشكيك فى عذريتها , توقعت إن ممكن يبقى فى قضاء عادل أو شامخ زى م بيقولوا فى مصر...

أنظر حولك ... هل تراهم ؛ هم يرونك و يتابعونك (( مستيقظا , نائما مثابرا , مقاتلا , ذاهبا و أتيا )) , لا يجدون المتعه إلا فى متابعة تحركاتك و إثباط همتك دائما ... يرى الجميع خوفهم منك فى أعينهم يتمسكون بما يفعلونه و ذلك حتى لا يعطوك الفرصة لتحقق ما أردت , الكل يبحث عن مصلحته الشخصية و عن غاياته و أهدافه بعيدا عن مصلحتنا العامة التى يسعى القليلون ورائها , ما سأرويه عليكم هو جزء من حديث أحد أصدقائى الأعزاء مع أحد سائقى التاكسى عندما قال له سائق التاكسى " حرام عليكوا يا ابنى البلد حالها واقف و هما   حموا الثورة و انتوا باللى بتطلبوه عايزين خراب البلد " , فرد عليه صديقى قائلا " بص يا حج ححكيلك موقف و عايز رأيك فيه " قاله " اتفضل يا ابنى " , فرد صديقى " لو بنتك دلوقتى مروحة البيت و اتعرضلها حرامى عايز يسرق شنطتها , وجه راجل زى الفل كدا ضرب اللى كان عايز يسرقها و قالها انه حيوصلها لحد البيت , و قبل م يوصلوا البيت علطول احلوت فى عينيه ؛ فقام قلعها و غلط معاها ... حتعمل إيه يا حج " ؛ فأحمر وجه السائق غضبا و خجلا من السؤال " هــ ×××ــه " .  ...