مـــهــــ الثـــورة ـــرجــــــ مــســتــمــرة ــــان

 لأول مرة مهرجان هادف و بيعبر عننا ... حاجة شعبية من الشعب والثوار للشعب و الثوار 

كلمات المهرجان /

ياللى بتسأل إحنا مين .. إحنا شباب 25
ورجعنلكم هنا من تانى .. وهنملى كل الميادين
عدت سنة أهى يابيه .. قوللى الثورة عملت إيه
يا طنطاوى قالك ايه ؟ .. قبل ما يمشى سعادة البيه
قالك إحبس فى الثوار .. قلك إقتل فى الأحرار
قالك إرفع فى الأسعار .. خلى العيشة مرار فى مرار
غلى السكر غلى الزيت .. بكرة نبيعلك عفش البيت
دة اللى لسة بيحمى مبارك .. عمره ما يحمى دارى ودارك
قوم يا مصرى وقول للجيش .. فين الآمن وفين العيش
آه يا حكومة هز الوسط .. كيلو اللحمة بقى بالقسط
هما بياكلوا حمام وفراخ .. وإحنا الفول دوخنا وداخ
مش لاقيين أنابيب بوتاجاز .. لإسرئيل صدرتوا الغاز
قولنا عيش عدالة حرية .. بيحاكمونا عسكريا
عسكرية يعنى إيه .. يعنى سجون مفتوحة يا بيه
علّي فى سور السجن وعلّي .. بكرة الثورة تقوم ما تخلى
إكتب على حيط الزنزانة .. حكم العسكر عار وخيانة
عمر السجن ما أخر بكرة .. عمر القهر ما غير فكرة
ياطنطاوى خرب دمر .. بكرة مصيرك زى معمر
حمدى بدين يا حمدى بدين .. ليلتك سودة وزى الطين
ياطنطاوى يا مجلس عار لا فى بنزين ولا حتى سولار
يا مشير يا مشير تحتك كرسى وبكرة يطير
وإحنا طالبين التغيير بكرة تشوف غضب الفقير
يامشير بيه يا مشير بيه .. كيلو اللحمة بـ100 جنيه
يا وزراء طفوا التكييف .. مش لاقين حق الرغيف
قالوا بنخرب قالوا بنكسر .. وإحنا بنهتف ضد العسكر
يسقط يسقط حكم العسكر .. إحنا الشعب الخط الأحمر
آه ياعسكر يا أوباش .. بنت مصر ما تتعراش
صوت الثورة طالع طالع .. من الكنايس من الجوامع
من المدارس والمصانع
عايزين يركبوا على ثورتنا .. إلا الثورة على جثتنا
قالو الشرطة دول آهاليناُ .. أحــا ياثورة دة عار علينا
الثوار راجعين يوم 25 .. وهنملى تانى كل الميادين
يا نجيب حقهم يانموت زيهم..


و عملا بمبدأ إنكار الذات محدش حيعرف اللى عامل المهرجان لأن اللى عامل المهرجان دا فرد أولتراس مصرى .. المهرجان منسوب للحركة المصرية  :) 

للمشاهدة على اليوتيويب /


Watch On YouTube ... شاهد على اليوتيوب

للتنزيل Mp3 /


Download Mp3 From Mediafire.com .. تنزيل بصيغة إم بى ثرى ميديا فاير