عم شكشك دوت كوم™

" قضت المحكمة العسكرية العليا، في جلستها المنعقدة اليوم الأحد، ببراءة مجند طبيب أحمد عادل محمد الموجي (27 سنة)، في قضية توقيع كشوف عذرية على الناشطات المعتقلات من ميدان التحرير، بعد احتجازهم في السجن الحربي على يد قوات الجيش في 9 مارس 2011. " الموجز 11-03-2012 . إحنا أسفين يا أطهر و أشرف بنات ممكن نقابلهم فى حياتنا , إحنا أسفين إن اللى عمل كدا معاكوا برئ وإحنا اللى بنترمى فى سجونهم , إحنا أسفين على فشل كبر لحد م وصل لعرضكوا , إحنا أسفين إن وسطنا كان الضعف و قلة الإيمان بالله و بالقضية سيطر على عدد كبير أوى ,  إحنا أسفين عشان دموعكوا نزلت بسبب تقاعس , إحنا أسفين لو وصلناكوا إنكوا تتهانوا و يتشهر بيكوا , إحنا أسفين على كل حاجة , جزمة كل بنت اتكشف على عذريتها و اتسلحلت فوق رقبة أرجل راجل نزل الشارع من يوم 25-01-2011 لحد دلوقتى . أسف إنى بدأت التدوينة بالخبر دا لأن موضوع التدوينة مبنى على أساس الخبر دا , و بعد الحكم فى قضية سميرة لأول مرة  و فوزها بأول قضيةو هى التشكيك فى عذريتها , توقعت إن ممكن يبقى فى قضاء عادل أو شامخ زى م بيقولوا فى مصر...

بحث كثيرا عن كلمات تصف ما مررت به الأيام المنقضية لم أجد إلا عبارة (( إحباط ثورى مؤقت )), مررت بحالة نفسية أقل ما توصف به هو التردى أو البؤس الشديد ... لم أجد من يشاركنى تلك الحالة لفترة ليست بالقصيرة , و لذلك قررت الخروج منها بمفردى كما دخلتها  بمفردى ؛ قررت البعد عن الوحدة و العودة لمن أحبنى لذاتى و لمن شاركنى لحظات إنكسارى قبل فرحتى ؛ سأعود وسط إخوتى مرة  أخرى لنستكمل سويا ما بدأناه من ما يزيد عن عام , سأستكمل طريقا رسمناه سويا و فقدنا أعز من نملك من أجل قضية سامية و هى الحرية التى دفع رفاقنا و أصدقائنا و إخوتنا الدم مقابلها و لم نحصل عليها حتى الأن ... سنكمل طريقا بدأناه لنحصل على مستقبل نتمناه و حاضرا زاهيا بألوان الحرية من أجل أبنائنا .. لن ننهزم و لن نيأس و لن تنكسر عزيمتنا , للمرة الأولى أقولها عن إقتناع لن أترك مسقط رأسى إلا و أنا جثة هامدة أو منتصرا على القهر و السلطة القمعية . من الأخر يا أعز من رأيت فى حياتى  ....  مكمليـــــــــــــــــــــــــــــــــــــــــــــن