ربنا حلو و جدع و مية مية ...
" إن الله لا يضيع أجر من أحسن عملا "
طيب ، بصوا بقا ...
من الأخر كدا الأجر المقصود مش شوية حسنات و بس ...
الأجر المقصود في الأية هو أي حاجة حلوة بتحصل نتيجة عمل أنت أديته علي الوجه الأمثل أو بمعني أصح أحسنته ؛ يعني ممكن نقول مثلا : " ابتسامة حد عزيز عليك في وقت ضيق "، " نجاحك في إمتحاناتك "، "جوازك من اللي بتحبها "، " بقاء ناس مهمة ف حياتك أو بقائك في حياتهم - خصوصا لو اكلتم عيش و ملح "، " فرحة أمك و أبوك بيك - حتي لو بيداروها ورا زعيق - " .... إلخ
اللي كلنا لازم نفهمه هنا إن الله لا يضيع أجرك - اللي انت مستنيه - لما تعمل بضمير عشان حاجة أو حد بمعني إنك لو فضلت ورا إنسان/ة ما في ضيق أو في كرب و بتعمل المستحيل عشان تريحه و يرتاح و ينبسط و تحس دا قبل م تشوفه فدا أجر ربنا ليك عشان تعبت معاه/ا و عملت و الاجر هو ابتسامتك لما تشوفه مبتسم - حاجة من القلب يعني ( ربك رب قلوب ) - ...
مشكلتنا الكبيرة إننا و لوقت طويل لخصنا فكرة الأجر في جنة و نار و ثواب و عقاب و حسنات و سيئات و نسينا جنتنا اللي علي الأرض - جنة الرضا - الجنة اللي بتخلق 1000 جنة زي " جنة الحب ، جنة النفس الراضية المرضية ، جنة الإبتسام و التفاؤل " .... إن الله لا يضيع أجر من أحسن عملا ...
ربنا حلو و جدع و مية مية ...
.
ردحذف